Goizeko izarra ikastola - Mutriku
Aurkezpena

Goizeko Izarra Ikastolak beste urte batez ikasturte berria hasten du. Ikastetxeko komunitatea osatzen dugun guztiok ilusioz ekiten diogu heztea bezalako zeregin gaitzari.

Ongi etorririk beroena, aurten lehenengo aldiz gure hezkuntzako elkartean sartzen zaretenoi eta noski, urtez urte zuen seme alaben hezkuntza gure eskuetan uzten duzuenoi.

Gogoratu guztion partaidetza garrantzi handikoa dela gure helburua lortzeko: gure ikasleen heziketa integrala euskal kulturan oinarrituta eta gurekin bizi diren etorkinen kulturen errespetuan.

Ikastetxeak orain arte egin duen moduan, bide berdinak jorratuz eta hobetuz proiektu ezberdinetan parte hartuko du, ezinbestekoa den zuen, gurasoen, laguntza izango dugun ziurtasunean.

Eskuen artean duzuen Eskola gida aurkeztu nahi dizuegu. Bertan Goizeko Izarra Ikastolarako oinarrizkoa eta nabarmena den informazio andana helarazi nahi dizuegu. Gidaren edukiak ikastetxearen identitatea azpimarratzen du eta, aldi berean, gure hezkuntza eskaintza erakusten dizue: zerbitzuak, egutegia, arauak, ordutegia, tutoreak… Gida hau ikasturtea burutu arte gorde dezazuela gomendatzen dizuegu edozein zalantza duzuenean lagungarria izango zaizuelakoan.

Horrela izango delakoan, bitartean ongi izan eta elkar ikusi arte.

Ikastolaren antolamenduari buruz eta egitasmoen berri jakin nahi baduzue ikusi GIDA.